Йăлана кěнě тăрăх, 2016-мĕш çулхи  пуш уйăхĕн 25-мĕшĕнче Комсомольскинчи 2№ пĕтĕмĕшле  пĕлÿ паракан вăтам шкулта  «Туслăх хĕлхемĕ»  фестиваль иртрĕ. Унăн тĕллевĕ – ачасене тăван чĕлхепе литературăна, культурăна юратма вĕрентесси, пултаруллă ачасене тупса палăртасси. Фестивале  районти тĕрлĕ шкулсенчи 6-9-мĕш классенче вĕренекенсем  хутшăнчĕç.

«Çăлтăрчăк» вăйă - конкурса хутшăнакансем

·         «Чечеклен, аталан, тăван енěм» – Чăваш ен Раççей çěрěпе пěрлешни 465 çул çитни («Чĕлхе-халăх мулĕ» – чăваш чĕлхи», «Ĕçне кура хисепě» – Чăваш енěн мухтавлă ывăлěсем); 

·         «Илемлĕх тĕнчи»,

·         «Пирĕн пултарулăх»  станцисенче пулса  хăйсен пĕлĕвне, тавракурăмне, тăван чĕлхене мĕн тери юратнине кăтартрĕç.

Конкурса  Аслă Чурачăк шкулĕнчи 7-мĕш класра вĕренекен  Чернова Виктория (вěрентекенě Ермолаева Т.Ю.) та хутшăнчĕ, хăйĕн тĕрлĕ енлĕ ăсталăхне кăтартма пултарчĕ.

«Шевле» номинацире 8-мěш класра вěренекен Ермолаева Инна ÿкерес ěçри пултарулăхне кăтартрě.

Малашне тата маттуртарах пулма сунатпăр.