"Янра, чăваш сăмахě»

Нарăс уйăхěн 14-мěшěнче Комсомольски ялěн 2№ шкулěнче «Янра, чăваш сăмахě» республика конкурс фестивалěн район тапхăрě  иртрě. Аслă Чурачăк вăтам шкул ачисем те çак конкурса хутшăнма кăмăл турěç. Конкурс икě ÿсěмпе иртрě: 5-мěш классем тата 6-8 классем. Жюри членěсем ачасен пултарулăхне виçě номинаципе хакларěç: «Сăвă чи лайăх калакан», «Чи лайăх юрлакан», «Чи лайăх сценка». 5-мěш классем хушшинче Пушкина Софья «Сăвă чи лайăх калакан» номинацире Петěр Хусанкайăн «Мехел» сăввине илемлě каласа иккěмěш вырăна тухма пултарчě. Шуряшкина Екатерина (6 класс) «Чи лайăх юрлакан» номинацире «Анне – хěвел ăшши» юрăпа виççěмěш вырăна çěнсе илчě. Маттур, малашне те ăнăçусем сунатпăр!