Ака уйăхěн 29-мěшěнче 5-6 классем хушшинче «Савăнăçлисемпе тавçăруллисен клубĕ» (КВН) ăмăрту иртрě. Çак ăмăртура ĕмĕрсем хушши аталанса пынă тăван чĕлхе пуянлăхĕ уççăнах курăнчĕ. Вăййа ăс-тăн хусканăвěнчен пуçларěç. Капитансем тупăшнă хушăра ачасем ытарлă ыйтусен хуравěсене шырарěç. Пуçватмăшсен, анаграммăсен, тест ыйтăвěсен тупсăмěсене тупас тесе пуç ватрěç ачасем. Ăмăрту питě хěрÿ иртрě. Жюри членěсем пěтěмлетнě хыççăн икě команда та – «Çăлтăрчăксем» (6 кл.) тата «Шăпчăксем» (5 кл.) – пěр-пěрне парăнманни курăнчě. 25-шер балл пухса туслăх çěнтерчě. Маттур, ачасем!

Ермолаева Т.Ю.